ما هو نظام أوبنتو وما مميزاتة

Unknown

2:44 م

0 تعليقات

شاركه غرد جوجل+

بسم الله الرحمن الرحيم




اوبنتو هو نظام تشغيل لاجهزة الكمبيوتر واللابتوب زيه زي الويندوز وهو واحد من اصدارات لينكس والمنتشرة بشكل كبير جدا, واول اصدار لاوبنتو كان سنة 2004 وفي كل سنة بيتم اصدار نسختين, واحدة في شهر 4 والتانية في شهر 10, وكلمة اوبنتو يعني “الانسانية تجاه الاخرين” وكل اصدار من اوبنتو ليه اسم رمزي بيتكون من كلمتين الكلمة التانية منه بترمز لاحد الحيونات ده غير رقم الاصدار يعني مثلا الاصدار الاخير لاوبنتو كان اسمه “trusty tahr 14.4″ وده بيرمز لحيوان ثديي من فصيلة البقريات وفي السطور اللي جاية جيبنالكو مجموعة من مميزات اوبنتو اللي ممكن تخليك تفضله عن الويندوز.

1 : جربه من غير ماتسطبه

اوبنتو بيديك ميزة جامدة جدا وهي انك ممكن تجربه من غير ماتثبته على الجهاز بتاعك وده طبعا هايفيدك جدا في التعرف على النظام قبل ماتسطبه وكمان لو حبيت تسطبه طريقة تسطيبه سهلة وسريعة جدا.

                     

                         

2:سهل الاستخدام

مش محتاج وقت كبير علشان تتعود على النظام ده لانه سهل جدا وبسيط ده غير انه بيوفرلك الاف البرامج اللي ممكن تثبتها بضغطة زرار واحدة بنفس طريقة تسطيب البرامج والالعاب بتاعت الاندرويد كده.

3:مفيش فيروسات

مش هتحتاج مكافح للفيروسات على جهازك لان اوبنتو نظام تشغيل مضاد للفيروسات منه فيه يعني لاتقول لي تروجان ولا اوتو رن ولا الكلام ده.

4:خفيف

مش محتاج جهاز امكانياته واو علشان يشتغل اوبنتو عندك بالعكس ده بجهاز امكانياته بسيطة جدا ممكن تنزل عليه اوبنتو وتستمتع بامكانياته الخارقة ده غير انه نظام مستقر جدا ومش محتاج تسطبه كل شوية.

Blue screen death:5

شاشة زرقاء بتظهر لنا كل شوية في نظام التشغيل ويندوز لكن في الاوبنتو الشاشة دي مابتظهرش نهائي ده غير ان في نظام التشغيل اوبنتو ممكن تحدث النظام من النسخة الاقدم للاحدث بسهولة جدا ومن غير ماتحتاج لكود تفعيل او تنشيط للجهاز.

6:مجاني

اوبنتو نظام تشغيل مجاني يعني مش لازم علشان تحمل نسخة اوبنتو من على النت تدفعلها فلوس كتير او تضربها بكراكات والكلام اللي بنعمله مع الويندوز لا , عايز نسخة اوبنتو حمل النسخة الاصلية منها بكل سهولة من غير اي مشاكل.

ملخص الموضوع المفروض يبقى نظام أوبنتو هوا اول نظام لانة متفوق على بقيت الانظمة الباقية لاكن نعمل اية احنا بناخد بالاشهر وخلاص ومبنحبش ندور على حاجة تانية
أتمنى إنكو تكونوا إستفدتوا من الموضوع

والسلام عليكم ورحمة الله وبركاتة